ZAABTAY NAHI CHALTAY

ishq k ilaqay main
hukm-e-yaar chalta hai
zaabtay nahi chaltay
husn ki adalat main aajzi to chalti hai
martabay nahi chaltay
dosti k rishton ki parwarish zaroori hai
silsilay taaluq k khud sy ban to jatay hain
lakin in shagoofon ko
tootnay bikharnay sy
rokna b parta hai
chahton ki matti ko
aarzu k poday ko
seenchna b prta hai
ranjishon ki baton ko
bhoolna b prta hai
kyun k
ishq k ilaqy main hukm-e-yaar chalta hai
ZAABTAY NAHI CHALTAY